Social Organization

دو چھٹیوں کا نوٹیفکیشن منسوخ کیا جائے،ڈیفنس کلفٹن ریئل اسٹیٹ ایجنٹس

2011-10-14T20:59:00.001-07:00

ڈیفنس اینڈ کلفٹن ایسوسی ایشن آف ریئل اسٹیٹ ایجنٹس کے صدر سید شاہد علیم نے ہفتہ وار دو چھٹیوں کے نوٹیفکیشن کی سختی سے مخالفت کرتے ہوئے تمام تاجر برادری اور چیمبر آف کامرس اینڈ انڈسٹری سے اظہار یکجہتی کرتے ہوئے کہا کہ ڈیفنس اور کلفٹن کے اسٹیٹ ایجنٹس تاجر برادری کیساتھ انکے شانہ بہ شانہ کھڑے ہیں۔ انہوں نے حکومت سے اپیل کی ہے کہ دو چھٹیوں کے نوٹیفکیشن کو فوری طور پر کالعدم اور منسوخ کیا جائے۔

اشہر جمیل نکاٹی کے وائس چیئرمین منتخب

2011-10-14T20:58:00.002-07:00

نارتھ کراچی ایسوسی ایشن آف ٹریڈ انڈسٹری کے اعلانیہ کے مطابق اشہر جمیل بلا مقابلہ نکاٹی کے وائس چیئرمین منتخب قرار پائے۔ نکاٹی کے سرپرست اعلیٰ نور احمد خان اور نو منتخب چیئرمین عبدالرشید فوڈر والا نے اشہر جمیل کو بلامقابلہ منتخب ہونے پر مبارکباد دی ہے۔

بجلی کی قیمتوں میں مجوزہ اضافہ واپس لیا جائے، محمد دین

2011-10-14T20:58:00.001-07:00

ایوانِ صنعت و تجارت سکھر کے صدرمحمد دین و نائب صدر محمد رفیق ڈوسانی اور دیگر اراکینِ مجلسِ انتظامیہ نے حکومت کی جانب سے بجلی کی سبسڈی ختم کرنے اور اُس کی قیمت بڑھانے کی تجویز ، بجلی کی بچت کے بہانے ہفتے میں دو چھٹیاں کرنے پر اپنے تحفظات کا اظہار کرتے ہوئے حکومتِ پاکستان اور متعلقہ وزارتوں و اداروں پر زور دیاہے کہ وہ بجلی، کی قیمتوں میں مجوزہ اضافے کا فیصلہ واپس لیں، بصورت دیگر یہ ایک منی بجٹ کے مترادف ہوگا جس سے عام آدمی پر پہلے سے زیادہ معاشی بوجھ بڑھے گا،

پاکستان فلور ملز ایسوسی ایشن سندھ کے الیکشن، حکم امتناع ختم

2011-10-14T20:57:00.000-07:00

ڈی ٹی او نے پاکستان فلور ملز ایسوسی ایشن سندھ سرکل کے الیکشن پر جاری کردہ حکم امتناع ختم کرتے ہوئے کہا کہ ایسوسی ایشن الیکشن ٹیکنیکلی مکمل ہوچکے ہیں۔ ڈپٹی ڈائر یکٹر عمر احسان کی جانب سے12 اکتوبر کو جاری کردہ خط میں کہا گیا ہے کہ 6 اکتوبر کو ہونے والی سماعت کے دوران ایسوسی ایشن کے سیکرٹری سے ضروری کاغذات طلب کئے گئے تھے۔ابرار احمد صدیقی کی شکایت اور دیگر کاغذات کی جانچ پڑتال کے بعد یہ صورتحال سامنے آئی کہ الیکشن ٹیکنیکلی مکمل ہوچکے ہیں۔خط میں ابرار احمد صدیقی کو ہدایت دی گئی ہے کہ وہ پوسٹ الیکشن شکایت درج کراسکتے ہیں۔ایسوسی ایشن کے سیکرٹری کی جانب سے جاری کردہ خط میں کہا گیا ہے کہ ڈی ٹی او کی جانب سے جاری کردہ حکم امتناع ختم کردیا گیا ہے اور الیکشن 2001-12 کے کامیاب چیئر مین و دیگر ارکان آفس کے فرائض انجام دے سکتے ہیں۔

Social Organization - فیڈریشن تاجروں میں اتحاد کیلئے کوشاں ہے‘ سینیٹر غلام علی

2011-10-14T20:56:00.000-07:00

پاکستان فیڈریشن چیمبر آف کامرس اینڈ انڈسٹریز کے صدر سینیٹر حاجی غلام علی نے کہا ہے کہ فیڈریشن ہر سطح پر تاجروں کے مسائل حل کرنے اور ان میں اتحاد و اتفاق پیداکرنے کیلئے کوشاں ہے اور اس سلسلے میں چھوٹے تاجروں سے بھی بھرپور تعاون کریں گے۔ وہ آل پاکستان آرگنائزیشن آف اسمال ٹریڈرز اینڈ کاٹیج انڈسٹریز کے وفد سے فیڈریشن ہاؤس میں بات چیت کررہے تھے جس نے مرکزی جنرل سیکرٹری محبوب اعظم کراچی کے صدر محمود حامد اور عبدالماجد کی قیادت میں ان سے ملاقات کی اورکراچی میں چھوٹے تاجروں کے مسائل اور ان کی نمائندگی کے بارے میں آگاہ کیا ۔ محبوب اعظم نے کہاکہ اسمال ٹریڈرز کے بانی محمد عمر سیلیا نے فیڈریشن کے ساتھ مل کر طویل عرصہ تاجر مسائل کے حل کیلئے جدوجہد کی اورفیڈریشن نے بھی چھوٹے تاجروں کا بھرپور ساتھ دیا مگر اس وقت کچھ موقع پرست اور سیاسی گروپوں کے آلہ کار چھوٹے تاجروں کے نمائندہ بن کر فیڈریشن کے نام کو مس یوز کررہے ہیں ۔ایف پی سی سی آئی کے صدر نے اسمال ٹریڈرز کے نقطہ نظر کو توجہ سے سنا اور کہا کہ ہم ہر سطح پر انتشار نہیں اتفاق چاہتے ہیں فیڈریشن پورے پاکستان کے تاجروں کا نمائندہ ادارہ ہے اور ہمارا وژن یہ ہے کہ ملک میں ایسی پالیسیاں ترتیب دی جائیں جس سے معیشت کو فروغ حاصل ہو۔ہم کراچی میں چھوٹے تاجروں کو ساتھ لے کر چلیں گے اور حقیقی نمائندہ افراد کو ہی آگے لائیں گے ۔ انہوں نے کہاکہ تجارتی اداروں کو سیاسی جماعتوں اور گروپوں کے اثرات سے بالاتر ہوکر کام کرنا چاہیے ہم فیڈریشن کو اسی انداز سے چلائیں گے۔

ارڈویئر مرچنٹ ایسوسی ایشن کے انتخابات، سید طارق رشید مرکزی وائس چیئرمین منتخب

2011-10-14T20:52:00.000-07:00

کراچی (پ ر) پاکستان ہارڈ ویئر مرچنٹ ایسوسی ایشن کے سالانہ انتخابات میں سید طارق رشید مرکزی وائس چیئرمین منتخب ہوگئے جس پر تاجروں اور ممبران نے خوشی کا اظہار کیا ہے۔ ایگزیکٹو کمیٹی کے منتخب ارکان میں وسیم الظفر قادری، ندیم کشتی والا، شوکت اسماعیل، کاشف حنیف قادری، حافظ منصور، لاہور سے سردار عثمان غنی، شیخ احمد داوٴد، ذیشان خلیل، شیخ سکندر ریاض، محمد وسیم اور میاں طحٰہ ضمیر شامل ہیں۔

DISCOVER - SOCIAL ORGANIZATION

2011-08-21T05:50:00.000-07:00

DISCOVER SOCIAL ORGANIZATION

DISCOVER has been founded to promote bilateral cooperation, trust and confidence between workers and employers, to face the challenges of the New World Order and Globalization with a view to accelerate industrial development and socio-economic growth of Pakistan.

DISCOVER is committed to improving quality of life of the working class by establishing linkage between the pace of economic development and quantum of social benefit.

Prof. Engr. AMH Kango	Chairman
Mr. M. Moosa	Deputy Chairman

Main Objective of DISCOVER for Social Organization
1.	Fostering sound industrial relations at the by creating an environment of trust, harmony and understanding between the workers and the employers for industrial growth in the country.
2.	Developing at the enterprise level effective participative culture through bilateral consultation and dialogue on matters relating to industrial relations, productivity, safety, health, environment, investment, employment and socio economic benefits.
3.	Augmenting Technical Vocational Training and Educational facilities with a view to upgrade skills and knowledge of already employed and provide need based training to youth for making them employable and promoting self employment.
4.	Prompting productivity and quality improvement efforts at the enterprise / industry level in order to increase competitiveness and m meet the challenges of globalization, WTO regulations and new world order of work.
5.	Providing a bi-partite institutional framework for voluntary mediation, conciliation and arbitration of industrial disputes, in a practical and conducive environment without polarizing and politicizing the issue.
6.	Activating and extending full support to all tripartite bodies for accomplishing their task efficiently and in the best national interest providing assistance in matters relating to industrial relations and labor laws.

We are committed to work jointly in the national interest to play our role for promoting social dialogue at the enterprise and national level to create and environment of trust, harmony and progress by accelerating the pace of industrialization in order to foster Pease, Productivity and Prosperity in country.

کراچی: ٹینکر مالکان کی ہڑتال مؤخر

2009-08-29T12:34:00.000-07:00

کراچی: ٹینکر مالکان کی ہڑتال مؤخر

26 July, 2009 12:35:00

افغانستان میں تعینات نیٹو فوجوں کو پاکستان کے راستے تیل اور سامانِ رسد فراہم کرنے والے سب سے بڑے ٹھیکیدار شیر علی مینگل کی پراسرار گمشدگی کے خلاف کراچی میں آئل ٹینکرز مالکان کی جانب سے کی جانے والی ہڑتال سنیچر کو اعلٰی سرکاری اہلکاروں کی مداخلت پر بہتّر گھنٹوں کے لیے ملتوی کر دی گئی ہے۔

آل پاکستان آئل ٹینکرز ایسوسی ایشن کے اہم عہدیدار گل محمد آفریدی نے بی بی سی کو بتایا کہ ان کی ایسوسی ایشن کے وفد کی یوسف شاہوانی کی سربراہی میں سندھ کے انسپکٹر جنرل آف پولیس صلاح الدین بابر خٹک سے ملاقات ہوئی ہے جس میں انہوں نے یقین دہانی کرائی ہے کہ حکومت شیر علی مینگل کی بازیابی کی کوشش کررہی ہے۔

تاہم پولیس نے تاحال شیر علی مینگل کی گمشدگی کا کوئی مقدمہ درج نہیں کیا ہے۔

گل محمد آفریدی نے کہا کہ بعض وفاقی وزراء اور صوبائی حکومتوں کے اعلٰی عہدیداروں نے آئی جی سندھ کے ذریعے پیغام دلوایا ہے کہ بہتّر گھنٹوں کے لیے ہڑتال مؤخر کر دی جائے کیونکہ ہڑتال کی وجہ سے جہاں ایک جانب تیل کی فراہمی متاثر ہوگی وہیں فرنس آئل کی فراہمی بھی متاثر ہوگی جس سے بجلی کی پیداوار میں خلل پڑسکتا ہے۔

انہوں نے کہا کہ ملاقات میں یقین دہانی کرائی گئی ہے کہ حکومت کی کوششوں کی وجہ سے اگلے بہتّر گھنٹوں میں شیر علی مینگل کی بازیابی کی کوششوں میں کامیابی کا امکان ہے۔

ہڑتال کی وجہ سے ملک بھر میں تیل اور بجلی پیدا کرنے والے اداروں کو فرنس آئل کی فراہمی متاثر ہونے کا خدشہ پیدا ہوگیا تھا

گل محمد آفریدی کا کہنا ہے کہ آئل ٹینکرز مالکان نے ان یقین دہانیوں کو مثبت انداز میں لیتے ہوئے ہڑتال کو ملکی مفاد کے پیشِ نظر بہتّر گھنٹوں کے لیے مؤخر کردیا ہے اور تیل کی فراہمی معمول کے مطابق شروع کردی گئی ہے۔

ڈھائی سو سے زیادہ ٹرک اور ٹینکروں کے مالک سردار شیر علی خان مینگل گذشتہ پیر کے روز اسلام آباد سے کراچی ائرپورٹ پہنچے تھے اور ائرپورٹ کی پارکنگ سے ان کے اہلِ خانہ کے سامنے چند مسلح افراد انہیں زبردستی اپنے ساتھ لے گئے۔

اپنے ایک اہم رکن کی گمشدگی پر آل پاکستان آئل ٹینکرز ایسوسی ایشن نے حکومت کے خلاف احتجاج کیا تھا اور شیر علی مینگل کو بازیاب کرانے کے لیے حکومت کو جمعرات تک مہلت دی تھی جس کے بعد جمعہ کو آئل ٹینکرز مالکان ہڑتال پر چلے گئے تھے۔

ہڑتال کی وجہ سے کراچی کے ساحلی علاقے کیماڑی میں واقع تیل فراہم کرنے والی کمپنیوں سے کراچی شہر سمیت ملک کے دوسرے حصوں میں تیل کی رسد بند ہوگئی تھی اور کیماڑی اور شیریں جناح کالونی کے علاقے میں سینکڑوں آئل ٹینکرز احتجاجاً کھڑے کر دیے گئے تھے۔