Friday, October 14, 2011

پاکستان فلور ملز ایسوسی ایشن سندھ کے الیکشن، حکم امتناع ختم

ڈی ٹی او نے پاکستان فلور ملز ایسوسی ایشن سندھ سرکل کے الیکشن پر جاری کردہ حکم امتناع ختم کرتے ہوئے کہا کہ ایسوسی ایشن الیکشن ٹیکنیکلی مکمل ہوچکے ہیں۔ ڈپٹی ڈائر یکٹر عمر احسان کی جانب سے12 اکتوبر کو جاری کردہ خط میں کہا گیا ہے کہ 6 اکتوبر کو ہونے والی سماعت کے دوران ایسوسی ایشن کے سیکرٹری سے ضروری کاغذات طلب کئے گئے تھے۔ابرار احمد صدیقی کی شکایت اور دیگر کاغذات کی جانچ پڑتال کے بعد یہ صورتحال سامنے آئی کہ الیکشن ٹیکنیکلی مکمل ہوچکے ہیں۔خط میں ابرار احمد صدیقی کو ہدایت دی گئی ہے کہ وہ پوسٹ الیکشن شکایت درج کراسکتے ہیں۔ایسوسی ایشن کے سیکرٹری کی جانب سے جاری کردہ خط میں کہا گیا ہے کہ ڈی ٹی او کی جانب سے جاری کردہ حکم امتناع ختم کردیا گیا ہے اور الیکشن 2001-12 کے کامیاب چیئر مین و دیگر ارکان آفس کے فرائض انجام دے سکتے ہیں۔

No comments:

Post a Comment